Өлең, жыр, ақындар

Айналғандай дүние тас тұғырға

  • 23.02.2022
  • 0
  • 0
  • 670
Айналғандай дүние тас тұғырға,
таса қалып бас мұрат, басты мұра,
көлбең көлеңкесіне айналғанда
адамдар да,-
елемей сынның бәрін,
талқандайтын теңсіздік шынжырларын
қажет болды бір дауыл бұл ғаламға.
Неше заман ұялап мұң жанарға,
жүректерді ыза-кек тырнағанда,
тақсырларға тағдыры тәуелді боп,
күн өткерген бірегей тұлғалар да,
жалаң төспен бет алып сын-қамалға,
ерлер сонда бастаған бір дабылды.
Күрескерлер – тарихта тұлға нұрлы,
айырбастап алапат сынға мұңды,
тұңғиықтың түбінен жарық аңсап,
бас көтерген алғашқы ұлдар – үлгі –
аршыр болсаң тастардан құндығыңды,
құрбандыққа ғұмырды,
санаңды арна!
Жерде майдан- тіршілік, заман барда,
жету үшін жұмақтай таң-арманға,
тау-талаптар тайпалып, тоқым тозып,
төгілер жас, тамшылап тамар қан да –
Исатайлар секілді құрбан болмай,
ешбір жеңіс келмейді адамдарға!
1982



Пікірлер (0)

Пікір қалдырыңыз

Ер соңымнан

  • 0
  • 0

Енді ешқайда кетпеймін мен, қимасым,
тек өзіңмен бірге болам,
жанарыңның тый жасын!
Чили үшін, өзім туған жер үшін,

Толық

Бұлақ-ескерткіш жайлы әндер

  • 0
  • 0

Туған жердің бұйырмай беткейі де,
мекен болды жат елдің құба белі.
Көйлегі де қалды ғой жетпей үйге —
көз жасымен анасы жуар еді.

Толық

Туған ел

  • 0
  • 0

Аймалайды өпкен желі,
нұрға оранып көк пен жері.
Бала сағым бұлдырайды,
гүлмен ойнап бөктердегі.

Толық

Қарап көріңіз

Пікірлер