Өлең, жыр, ақындар

Жақсының елемейміз жақсылығын

  • 23.02.2022
  • 0
  • 0
  • 1311
Жақсының елемейміз жақсылығын,
жөн білер саналыға тапшы күнім.
Оясыз сөзді ұқпайтын жаңалықты
ұлы Абай Колумбыдай ашты бұрын.
Сонда да ішкі дертім запыран боп,
көмейден шыға береді ащы жырым.
Жетпей-ақ қойсын жырым тақ маңына
(батқым жоқ тақ маңының батпағына),
тақсырлар келер, кетер.
Мен сенемін
сөзімді жадында елім сақтарына.
Адамнан ұят көшкен бұл заманда
сол жалғыз сенім-сәуле дәт жаныма.
Қаншама жаттатсаң да Құранды оған,
сезімсіз "әлхамды" да ұға алмаған.
Адамзат жер бетінде күн кешкелі
ойлы мен ойсыздардан тұрар қоғам.
Пенденің бар ғұмыры – карта ойыны,
саналы биікке бір шығар ма адам?
1985



Пікірлер (0)

Пікір қалдырыңыз

Бойыңды жастай түзедің

  • 0
  • 0

Бойыңды жастай түзедің –
қылықты, сәнді қыз едің,
жаныңа, сұлу көркіңе
ұмтылып өткен жүз ерін.

Толық

Махаббатсыз, сезімсіз көңіл жетім

  • 0
  • 0

Махаббатсыз, сезімсіз көңіл жетім,
мұндай күйде түсің де, өңің де – түн.
Жомарт жастық жылыстап, жас ұлғайса,
жалғыздығың сезілер со күнде тым.

Толық

Сапфомен сырласу

  • 0
  • 0

Тағдырым әлсіздігімді сынайды әр күн,
мен талай толқындарда шыр айналдым.
Ал, саған қызығамын Отандасы,
жылдасы болғаныңа құдайлардың.

Толық

Қарап көріңіз

Басқа да жазбалар