Тақырды таптап тандыр күн

Тақырды таптап тандыр күн, жатқанда шөлі бір қанбай, тас емшек болған тағдырдың, тамшы суы да тұр тамбай.
Денесі мәңгі шөлдерден шатынап кеткен шарт сынып. Таусылмас тылсым көргенмен, табиғатта да - тапшылык.
Теңіздер - жердің жанары, тірлікке біткен бақ, мұрат, толқындар кетіп барады шөлдерге қарай шапқылап.
Толқынның жасыл жастығын сыйлауға шаңдақ көн жерге кеудесін сорған ащы күн тақырға толқын төнгенде,
жағалау-жартас бас салды, желкесін жерге қаптырып. Төзімнен тозған тастарды қорғасын толкын жатты ұрып.
1977

---