Дос көңілі

Түк емес шарбы бұлттай даңқым, жебем,
сен менің болат бауыр алтын кемем.
Дүниеде түсінетін өзің ғана
мені бар жақсы-жаман қалпымменен.
Қайырмасы: Тағдырымдай,
бал ғұмырдай
қимасым, жанашырым,
жазатын жан жарасын
сен ғанасың –
байлығым, бар асылым.
Күлгенім өзгелермен кұлкі де емес,
көп жұрттың көңілінде күңкіл, егес.
Досың көп болсын дейді,
сендей достың
адамда көп болуы мүмкін емес.
Қайырмасы.
1992

---