Өлең, жыр, ақындар

Құда мен құдағиға

  • 20.03.2022
  • 0
  • 0
  • 781
Ей әзіз дос, ғұмырыммен тұрғылас!
Әркімнің-ақ жатар жері — бip құлаш...
Соған дейін пенде шipкiн пейілі
Толқымалы — бip күні тоқ, бip күні аш.
Бip күн шуақ! Бip күн дауыл, үcкipiк,
Алдан шықпақ апжыландай ысқырып...
Тіршіліктің жұмағында жүріп-ақ,,
Дозағынан төрт шығамыз, үш кipiп...
Жан бip күнi бола алады жiбeк те,
Бұзады оны бip күні сел жүред те.
Eкi құрбым, егіз досым, сондайда
Менің титтей жүрегімді жүдетпе!
Жүрегімнің бip кішкентай бөлшегі
Бөлшегіңмен өз тағдырын өлшeдi, —
Кеше ғана кенже туған Гүлімнің
Сіздің үйге барып бiттi жол шeгi...
Kүтушi едім асыл қызғалдағымды,
Kүтушi eдiм мәуелеген бағымды;
Ұланыңды жұмсадың да, ұрладың, —
Бақшамдағы гүлім саған бағыңды.
Жақсы еді ғой өз үйімде гүл тұрған!..
Көктемімді алып қойдың құлпырған!..
Біздің үйде оның орны бос қалды,
Енді басқа айтылады былтырғы ән...
Ендігі заң: емес дейді, бұл айып;
Енді бiзгe ортақ тілеу лайық.
Көп рақатты кешіп болып көз жұмсақ,
Қалғанымыз құшақтасып жылайық!
Kөз жұмғанша аласармай мерейім,
Сіздің төрде төбе бола берейін...
Сіздің үйден жұпар жұтып, гүл иіскеп,
Көктемімнің көбейгенін көрейін!
Жалғызымыз келтірмесін жамағат! —
Шапан киіп, мінгенi сол Хамаң ат!
Сіздің үйден қатқыл дауыс шықпасын,
Екеуіңе еркетайым аманат!



Пікірлер (0)

Пікір қалдырыңыз

Адал зерек адам керек

  • 0
  • 0

— Тоқ тұрып, қарын тартпай қалғысаң да
Бәйгеден келуің шарт алғы санда! —
Дегенде тұлпар айтқан:
— Жолай сонда

Толық

Бұны да ескерейік

  • 0
  • 0

Болғай аман қала-қыстақ зілзаладан!
Болғай аман ай пәледен, жыл жаладан!
Бүтіндегей жыртық-тесік бұл тұрмысты
Елге сіңген еңбегімен олжалы адам!

Толық

Шопан туралы монолог

  • 0
  • 0

Шопан жанын жөнім бар ұғынатын,
Ардақтаймыз бiз оның бүгін атын.
Сол бейнеткеш адамның әлі талай
Паналайды күндер мен ығына түн.

Толық

Қарап көріңіз