Өлең, жыр, ақындар

Ертең ақпан...

  • 30.03.2022
  • 0
  • 0
  • 945
Қаңтардың соңғы күні
Ертең — ақпан,
Екі ойдың тоғысында —
көркем ақтаң,
Көгімнен аппақ-мақта
Жауып ақ қар,
Аспаннан әрбір талы елпең қаққан.
Ертең — ақпан,
Қаңтардың соңғы күні,
Терезе алдындағы
Тоңды гүлі.
Жамылып жер жаһаным ақ мамығын,
Даланың қар астында солды гүлі.
Қаңтардың соңғы күні,
қимас өмір,
Тірлікте адам болсаң, сыйласа біл.
Аққардай жатар ма еді жерді жауып,
Жаныңның жақсылығын жинаса бір.
Ертең — ақпан,
Бүгіннен ертең-арман,
Күй күмбірлеп,
жолдарым шертеді алдан,
Бұл адам үмітпенен ғұмыр кешер,
Жүрегімді сағыныш өрте жалған.
Ояу менің жүрегім, қалғымаймын,
Бұлт көшкен бейнесіндей шарбы майдың,
Қаңтардың соңғы күні,
Ертең — ақпан,
Өз қызығы өзінде әрбір айдың!
Үш перзенттей — үш тентек, үш аялы,
Демеймін желтоқсаным күш аяды.
Қыс ортасы —
Қаңтардың соңғы күні,
Ертең - ақпан,
Ақпан бұл —
қыс аяғы.
Жолаушыдай асығыс жеделдеткен,
Ақпандатып,
ақ боран төгер көктен,
Ертең — ақпан,
Ақпанның ізіменен,
Қыңқылдап құсы оралып, келер көктем...



Пікірлер (0)

Пікір қалдырыңыз

Бір ел бар...

  • 0
  • 0

Бір ел бар сондай ертегі,
Жер жаһанда жүр үні.
Белгісіз жұмбақ ертеңі,
Бақытты бірақ бүгіні.

Толық

Таулы шатқал алдымыздан шыққаны

  • 0
  • 0

Таулы шатқал алдымыздан шыққаны,
Бауырында білдім байлық құт бары.
Қазыналы жұмбақтарын жасырған,
Ойдым-ойдым, сілем-сілем қатпары

Толық

Менің атымды алғаш рет фамилия етіп қойған

  • 0
  • 0

Менің атымды алғаш рет фамилия етіп қойған
АЛДИЯР немереме
Мен ШӨМІШБАЙ болғалы,
Басыма бақ қонғалы,

Толық

Қарап көріңіз