Өлең, жыр, ақындар

Елуде – елуінші ағаш ектім

  • 30.03.2022
  • 0
  • 0
  • 910
Өлеңмен тарттым азап, жапа шектім.
Ойлардың тар түрмесі, қапасы өттің.
Бір кездер айта алмаған сөз орнына,
Елуде – елуінші ағаш ектім.
Өткен күн терең батып қалды мүңға
Естелік – өлең болар бар ғұмырға.
Бір ағаш отырғызып жүрдім әр кез,
Белгі етіп туған күннің әр жылында.
Желменен желбіреді желегі есіп,
Сол ағаш, сол бір ағаш келеді өсіп.
Сол ағаш,
Сол бір ағаш,ағаш емес
Тұрғандай елестейді өлең өсіп.
Адам боп елестейді өздеріндей,
Жапырағы сыбдырлап сөздеріндей,
Құс келіп, көктем сайынбүр жарады
Бүршігі әрбір өлең көздеріндей.
Арудай ерке қылық, назды ғашық
Самал жел тербегенде саз құрасып.
Өлең боп жапырағы жайқалады
Көктемгі бүршіктері жазға ұласып.
Тәңірге мың ырзалық айтар едім
Ғұмырым қысқа болса қайтер едім?
Мәуелі, саялы бақкеледі өсіп,
Елуде — елуінші бәйтерегім!
Елуді мен қарсы алдым мерейім деп
Қызығын ғұмырлардың көрейін деп.
Орамын даярладым тағы ағаштың,
Тәңірім ғұмыр берсе егейін деп...



Пікірлер (0)

Пікір қалдырыңыз

Көңілім әлі жүйрік

  • 0
  • 0

Қыруар нар-өркешті қырды асса да,
Қуат бар қуып жетер кім қашса да.
Көңілім әлі жүйрік тұлпардайын,
Еңсемді талай өткен жыл басса да.

Толық

Жаңаөзен елі болар пір Бекеттің

  • 0
  • 0

Жаңаөзен елі болар пір Бекеттің,
Жаңаөзен елі болар ер Есеттің.
Кішкене сабырлығың қажет еді,
Халқыңа айналайын не көрсеттің?..

Толық

Бақыт қой бұл өмірге бір келгенім

  • 0
  • 0

Бақыт қой бұл өмірге бір келгенім,
Дүние жанарынан нұр көргенім.
Көп ойлар сайрап жатыр көкейімде,
Көбіне көзім жетіп үлгермедім.

Толық

Қарап көріңіз

Басқа да жазбалар