Өлең, жыр, ақындар

Сағынумен күн жатты

  • 11.04.2022
  • 0
  • 0
  • 656
Сағынумен күн жатты,
Әйел – сұлу сымбатты.
Сағынумен түн батты,
Әйел – арман қымбатты.
Талғампаз жүрек талғамай,
Әйелдей ерді күтер ме?!
Әйелге ерлік арнамай,
Ерлердің ісі бітер ме?!
Ақ түскенше шашыңа,
Шығатын түсіп жолыңа.
Әйел – бақыт басы да,
Аяқталар соңы да.
Жағатын сезім шырпысы,
Ғашық иірім сәлеммен.
Әйелдің әрбір күлкісі,
Қымбат мынау әлемнен.
Қиылып көзді қадаса,
Жүрекке садақ шаншылар.
Бұрылып саған қараса,
Бойыңнан бұлақ тамшылар.
Әйел –өмір өлшемі,
Бағалай алар тірлікті.
Бақыттың жарты бөлшегі,
Қалайтын ермен бірлікті.
Әйелдерге әр еркек,
Таңдай алса бас тұлғаң.
Әйел үшін бар еркек –
Басын тау мен тасқа ұрған.
Тіршіліктің қымбаты,
Әйел боп сұлу шықты елес.
Әйел ғой өмір сымбаты,
Әйелсіз өмір түк те емес.
Жеңу де қиын ғасырды
Ғасырды жеңген жеңісім:
Әйелге ием басымды,
Әйелді сүйем сол үшін...



Пікірлер (0)

Пікір қалдырыңыз

С-ға

  • 0
  • 0

Өкпелеттің бе мені,
Әлде мен өкпелеттім бе?
Әйтеуір, кінә таққаным бекер,
Көрмедім сені,

Толық

Боран

  • 0
  • 0

Боранды көрдім мен алғаш,
Жан-жағымды көре алмас.
Алай-түлей борады-ай,
Құдірет күш жеңе алмас.

Толық

Зауал, Тұлпар, Уақыт

  • 0
  • 0

Қанатымын жыр атты акиықтың,
Жаңа бетін ашатын тарихтың,
Танысалық, кел бермен келер ұрпақ,
Ақыныңмын!

Толық

Қарап көріңіз