Өлең, жыр, ақындар

Алматыда шуақ бар

  • 01.04.2022
  • 0
  • 0
  • 804
Алматыда шуақ бар,
Дауыл да бар,
Ақ қар бар,
боран да бар,
Жауын да бар,
Құйын бар.
жұлдыз да бар,
шырақ та бар.
Толқын бар,
дария бар,
бұлақ та бар.
Еритін ерісе тек шын жалынға,
Ақ қары –
Алатаудың шыңдарында.
Көңілді тасқындатқан мың істері,
Жұлдызы —
Алматының жұмыскері.
Болашақтың иесі нұр таңымда,
Шырағы —
Жаңа жанған ұрпағында.
Таусылмас дариясы —
Ғалымында.
Құйыны –
Өмірінің ағынында.
Ұдайы өзгеретін өзі мүлде,
Жауыны —
Жандарының сезімінде.
Өзекті өмірінен бағы тұнған,
Бораны —
Ақынының шабытында.
Ұялап қалған ғажап гүлді ерінге,
Бұлақтар —
Бұлбұлының үндерінде.
Айналар әуенінен тау сағымға,
Толқындар —
Күйшілердің саусағында.
Шуағы —
Қыздарының гүл өңінде,
Дауылы —
Жігітінің жүрегінде.



Пікірлер (0)

Пікір қалдырыңыз

Жылы сөзге шөлдедім..

  • 0
  • 0

Адамдардың шапағатына шөлдедім,
Хас сұлудың махаббатына шөлдедім.
Аптап жоқта аңқасы кепкен кеудемді,
Сенбесеңдер қақыратып ашып көр менің.

Толық

Қобыз үні – Қорқыт баба

  • 0
  • 0

Құдіретті Қобыз үні ғасырлық,
Жаратқан ғой тәңір баста асыл ғып,
Теңіздердей толқып-тасып басылдық,
Тағдырлардай сан тарапқа шашылдық

Толық

Лирик ақын

  • 0
  • 0

Кездерінде күн аман,
Көрген сәттен ұнағам.
Бауырға алды аға боп,
Қайран менің ТҰМ-АҒАМ!

Толық

Қарап көріңіз