Өлең, жыр, ақындар

Зулайды күндер

  • 01.04.2022
  • 0
  • 0
  • 1934
Зулайды күндер,
Тулайды жүрек бұлқынып.
Өзімде менің,
Көзімде менің мұң тұнып;
Қалады-ау жастық,
Барады-ау өмір ұмтылып.
Зулайды күндер,
Тулайды жүрек бұлқынып.
Зулайды күндер,
Тулайды жүрек аптығып.
Сезім боп уақыт,
Көзімнен бақыт жақты үміт.
Аңсарым ауған
Қарсы алып алдан бақ күліп,
Зулайды күндер,
Тулайды жүрек аптығып.
Зулайды күндер,
Тулайды жүрек алқынып.
Сенемін, өмір!
Келемін қайда шарқ ұрып?
Көп ізге карап,
Теңізді кештім малтығып.
Зулайды күндер,
Тулайды жүрек алқынып.
Бұл өмір болмас
Мұхитсыз, теңіз, көлсіз де.
Дүние қамас
Зулайды күндер
Күні ертең бірақ менсіз де
Зулайды күндер
Күндер ертең, достым,сенсіз де...



Пікірлер (0)

Пікір қалдырыңыз

Қарттар-ай

  • 0
  • 0

Шаршы төрде шалжия сұлап жатып,
Әңгімені әр тұстан-қылаулатып.
Шай ішкенде шал-шауқан шежірені
Шертер болар төбеден күн аунатып.

Толық

Туған жер (балалар әні)

  • 0
  • 0

Жайлау гүлге тұнатын,
Атам, әжем тұратын,
Мен ауылды,
Мен ауылды сүйемін!

Толық

Самал жел..

  • 0
  • 0

Жібек желім, өзің ашып ұйқы әнін,
Дәм келгендей таңдайыма құйқаның,
Жел – анамның алақанын жеткізіп,
Желпіп-желпіп маңдайымды сипадың.

Толық

Қарап көріңіз