Өлең, жыр, ақындар

Махаббат «теоремасы»

  • 03.04.2022
  • 0
  • 0
  • 1034
Мен естідім,
қалкам-ау,
сен естідің,
Махаббат теорема еместігін.
Аспаныңнан ағады метеориттей,
Қызық дәурен —
ғашықтық —
елесті күн.
Ессіз ғашык,
Көзсіз ғашық —
Талай жас түсінбей жүр.
Өңінде табыса алмай түсіндей гүл.
Жанына жай тапқызбас Махаббатың,
Жердіңұлы тартылыс күшіндей бұл!
Сол күшті жеңгендер бар —
жеңілгенде,
Сол күшке сенгенде бар —
сеніммен де.
Тартылыс ұлы күші –
Махаббаттан,
Бозбала не болады бөлінгенде?
Бөлінсе —
адаса ма бар бағынан,
Бар багының биігі —
арманынан?
Тартылысынан айрылса Махаббат,
Космостай айрылады салмағынан!
Салмақсыз —
күле алмассың жарқын етіп,
Салмақсыз —
өміріңнің нарқкы кетіп.
Салмақсыз—
табан тіреп тұра алмассың,
Хаостай дүниеден қалқып өтіп.
Қателіктер кеткенде —
түсінер ме?
Қателіктер кеткенде —
ісінен де!
Махаббат тартылысы құдіретті,
Жердің ұлы тартылыс күшінен де!
Інім саған айтарым,
жанымдай сыр,
Аспанында жастықтың ағындайсың.
Махаббаттың барына сеніп өтіп,
Сол күшке, табын, бауырым, табынғайсың!



Пікірлер (0)

Пікір қалдырыңыз

Көкжиек

  • 0
  • 0

Қадамыңды қарыштап,
Бассаң дағы жаныштап,
Жеткізбейді көкжиек,
Жақындасаң алыстап.

Толық

М, Құдайым, бере гөр

  • 0
  • 0

М, Құдайым, бере гөр,
Тілеген мынау тілекті
Сөйлете гөр жүректі,
Сейілте гөр түнекті

Толық

Сол бір ауыл...

  • 0
  • 0

Жер бетінде бір кішкентай ауыл бар,
Сол бір ауыл – туған жерім, бауырлар.
Жылдар жылжып, жатса да өмір жаңғырып,
Сол ауылға басымды ием мәңгілік!

Толық

Қарап көріңіз