Өлең, жыр, ақындар

Күрес

  • 07.04.2022
  • 0
  • 0
  • 585
Көңілге серік еткен күйдің үнін,
Басынан кешкен талай қилы күнін.
Келешек!
Түсінгенге құйғып аққан
Киіктей мен де дала
жүйрігімін!

КҮРЕС ЖҮРІП ЖАТЫР,
Жер бетінде,
Жер бетінде,
Жер бетінде,
Еңбек, ақыл-ой
Адамзатты тербетуде,
Тербетуде
толқытып,
толғандырып,
Ойландырып,
оятып жолдарда үміт,
КҮРЕС ЖҮРІП ЖАТЫР, ҒАСЫРЫМДА!
Көгілдір көк жүзінде, аспанымда,
Жұлдыздар ағып жатыр қас қағымда,
Жердің ұлы тартылыс күшін жеңіп,
Ұйқыдағы бала да түсін көріп,
КҮРЕС ЖҮРІП ЖАТЫР, ҒАСЫРЫМДА!
Жер қойнында,
тереңде,
жер астында,
Төбелер, таулар, қырат,
бел астында,
Көгіңде,
орманыңда, шөлдеріңде,
Өзенде, Мұхит, Теңіз,
Көлдеріңде,
күрес жүріп жатыр,
Нәресте,
Сәбилерде,
Бесіктерде,
Төрлерде,
Табалдырық,
Есіктерде,
Естілер мен
Есуас жындыларда,
Бақытты,
Бақытсызда,
мұңдыларда,
КҮРЕС ЖҮРІП ЖАТЫР,
Үйіңізде, көшеде,
қалаңызда,
Жайлауда, жаһан дүзде, далаңызда;
Жалаң аяқ жүгірген балаңызда,
Ойлы, ойсыз соқтыққан арамызда,
КҮРЕС ЖҮРІП ЖАТЫР,
Аттаған қадамыңда, жолдарыңда,
Жұдырық, алақан
қолдарыңда,
Адасқан,
адаспаған,
толғамыңда,
Ананың Адам үшін толғағында,
КҮРЕС ЖҮРІП ЖАТЫР,
Тірліктің айдынында,
толқынында,
Өксіген,
жылағанның
солқылында,
Колония,
Лагерьлер, түрмелерде,
Оянбаған,
оянған іргелі елде,
КҮРЕС ЖҮРІП ЖАТЫР.
Санаңда,
көңіліңде,
сезіміңде,
Кеудеңде,
жанарыңда,
жүрегіңде,
Тірлікте, табиғатта,
ұлы Өмірде,
КҮРЕС ЖҮРІП ЖАТЫР,
КҮРЕС ЖҮРІП ЖАТЫР!..
ҒАСЫРЫМДА!



Пікірлер (0)

Пікір қалдырыңыз

Сағыныш

  • 0
  • 0

Туған жер топырағы — құмға асыққан,
Арал келсе, сағынып Сырға асыққан.
Сырға келсе, Алатау шыңға асыққан,
Шүкіров Зейнолла атты, Зекең атты

Толық

Әнді тыңда, аяулым

  • 0
  • 0

Аяулым, әнді тыңда арманыңдай,
Асыл сыр айтшы, жаным, бар ма мұндай?
Әуелі әуен жазсын маңдайыңа,
Бұл өмір бақыт берсе бармағындай.

Толық

Паровоздай түйеміз боздап қойып

  • 0
  • 0

Паровоздай түйеміз боздап қойып,
Ботасы үйде қалғанын қозғап қойып,
Жарысар жанды нәрсе болмаса да,
Желеді —

Толық

Қарап көріңіз