Өлең, жыр, ақындар

Самал жел..

  • 11.04.2022
  • 0
  • 0
  • 2189
Жібек желім, өзің ашып ұйқы әнін,
Дәм келгендей таңдайыма құйқаның,
Жел – анамның алақанын жеткізіп,
Желпіп-желпіп маңдайымды сипадың.
Жұмбақ әлем – құдіретті көк біздің,
Осы көкке қараумен күн өткіздім.
Жел анамдай маңдайымды сипаумен,
Ақша бұлттай, ақ сәлемін жеткіздің.
Желдей дүние аралауға бекіндім,
Желге қарап өсуменен жетілдім.
Жел анамдай, жүрегімді сипаумен,
Жүрегімнің талай дертін кетірдің.
Жақсыларды жел қанаты тізе бер,
Жамандықты жел өтімен үзе гөр.
Жел аман бол, Жер бетінде айналып,
Көрінбейтін аққу болып жүзе бер.
Желге қарап, құшағымды жайғанмын,
Теңіз желі, құдіретіңе қайранмын.
Анамдай боп маңдайымды сипаған,
Құдіретті желден бүгін айналдым.



Пікірлер (0)

Пікір қалдырыңыз

Тәуелсіздік монументі

  • 0
  • 0

Айы туып, жұлдыз,
Күні жанған ЕЛ,
Ата-бабам мәңгі аңсаған арман ЕЛ.
Мәңгі тірі, мәңгі Азатсың, қазағым,

Толық

Ғұмыр кешу – жұбаныш

  • 0
  • 0

Ғұмыр кешу – жұбаныш,
Бұл өмірдің бағында.
Өмір сүру – қуаныш,
Денсаулығың барында.

Толық

Оралмас студенттік балшақтарым

  • 0
  • 0

Оралмас студенттік балшақтарым,
Отырам-ау мен ертең аңсап бәрін.
Көрсем де қуаныштың шұғыласын.
Білмедім көзімнен жас қанша аққанын.

Толық

Қарап көріңіз