Шөмішбай Сариев

Жалғыз қайық

Бұл бетте «Жалғыз қайық» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

11.04.2022
0
0
1138

Жалғыз қайық көк теңізде ығып жүр,
Кеудесінде, жүрегінде тұнып жыр,
Білсе білер бұл әлемде бір тәңір,
Адам білмес дүниеде мұңын бір.
Жалғыз қайық көк теңізде жүр жүзіп,
Бағыты бар жел айдаған бір қызық.
Күйдіреді, күйдіреді жүрегін,
Аптабы ыссы Тас төбеден күн қызып.
Жалғыз қайық дауыл жұлған ескегін,
Көк аспанда көрді бұлттың көшкенін.
Айналада көк айдыны – көк теңіз,
Түйістіріп аққу жүзген төстерін.
Жалғыз қайық толқын тағдыр
тербейді,
Ұшан теңіз ешкім оны
көрмейді.
Қанша дауыл болса дағы
батпайды,
Толқын соқса толқып биік
өрлейді.
Бұл ғаламда жалғыз дейді тәңір де,
Жалғыздықтар аз емес-ау өмірде.
Жалғыз қайық қақ теңізде ағып жүр,
Шағалалар шарқ ұрады көгінде.
Жалғыз қайық жалғыз емес өмірде
Соған ұқсас Тағдырың бар сенің де!..
Соған ұқсас Тағдырым бар менің де.

Шөмішбай Сариев жалғыз қайық Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар