Өлең, жыр, ақындар

Қазақ тілі қаһарманы

  • 11.04.2022
  • 0
  • 0
  • 612
Шора Шамғалиұлы Сарыбаевтың 80 жылдық мерейтойына шашу өлең

Айналасы ғалымдарға толы адам,
Жан-жүрегін әзіл-күлкі ораған,
САРЫБАЙЛАР әулетінде ұлы той,
Мерейтойын тойлап жатыр ШОРА ағам!
Ғылым жолын жастық жағы таңдаған,
Қалап алған жолдан әсте танбаған,
Қазақ тілі қайғысымен ауырып,
Ана тіл деп бар ғұмырын арнаған.
Аман қалды талай сойқан өртінен,
Айнымады жан-жүрегі сертінен.
Қуанышы болса бірге қуанып,
Қазақ тілдің бірге ауырды дертімен.
Отқа оранды әрбір шақта өрт кеудең,
Тұлпар тілдің Ер тоқымын ерттеумен,
ШОРА ағамыз шықты СЕКСЕН шыңына
Қазақ тілі – тегін терең зерттеумен.
Тілсіз ел жоқ – жолға алтынды ексең де,
Тілсіз ел жоқ – бар байлықты төксең де,
Тәуелсіз Ел тілі үшін күресіп,
Жеңісіне жетті бүгін сексен де!
Ардың сүті – Ана тілі досындай,
Сол тіл үшін сан күресті шошынбай,
ШОРА аға жолдарынан басталған,
Қазақ тілі қаһарманы осындай!
Сен кепілсің, бұл шындыққа мен кепіл,
Ғасырменен Заманға ел көпір,
Бүгін міне, сексен деген тағында,
Қазақ тілі – қаһарманы төрде отыр!



Пікірлер (0)

Пікір қалдырыңыз

Алғаш тау көргенде

  • 0
  • 0

О, Алатау! Өзіңді жаңа көрдім,
Туған жерден алдымен дала көрдім.
Кеудеме толқын атқан нар өркешті,
Құмды өлке суретін сала келдім.

Толық

1940-1945

  • 0
  • 0

Ғажап әлем,
дүние,
дала қызық,
Сағыныш сырлы әуенге салады үзіп...

Толық

Ата Жамбыл

  • 0
  • 0

Жамбыл ата, бір ғасыр бұрын менен
Бірге тудың жұлдызды жырыңменен.
Өлеңдерің сырласар ертеңменен,
Өзің болып сөйлейді бүгін де өлең!

Толық

Қарап көріңіз