Өлең, жыр, ақындар

Күйші

  • 11.04.2022
  • 0
  • 0
  • 917
Күй болып толқып келем бе,
Сыймайтын күй бар өлеңге.
Секеннің көңіл толқыны,
Тартады теңіз тереңге.
Еріп бір салып, мұзды көл,
Сағыныш жүрек үздігер.
Секеннің күйі аққудай,
Ақ айдын көлге жүздірер!
Секен бұл күйші аты бар,
Тұз-дәмін күйдің татырар.
Көктегі жүзген ақ бұлттай,
Кеудеңді ойға батырар.
Күйшінің нәзік күш қолы,
Түсіңде көрсең түс жоры.
Жұлдызды күні Секеннің,
Көктегі жұмбақ құс жолы.
Сезімнен жаным дір еткен,
Кеудеңді бақша түлеткен.
Сыр ашып бізге қос ішек,
Сырласар жалғыз жүрекпен.
Күйімен Секен жырлайды,
Бір қуаныш, бір қайғы.
Алатау тауы тік тұрып,
Қаратау мүлгіп тыңдайды.
Бұлақтай аққан жылғамен,
Секеннің күйін тыңдап ем.
Сағынышым оянып,
Ойға да батты мұңды әлем.
Мұңы да тылсым түн екен,
Сазы да нәзік гүл екен.
Дүниенің құпия
Бір жұмбағы күн екен.
Таң атқанша ұйқың қап,
Күллі әлем бүгін күй тыңдап,
Ұлы Абай айтқан жан екен
Секен де сондай бір жұмбақ!



Пікірлер (0)

Пікір қалдырыңыз

Муза — менің мұратым

  • 0
  • 0

Муза, сен мұратымсың, мұң-қайғымсың?
Мұң-қайғымды сен бірақ тыңдаймысың?
Арманның ащы дәмін жұта-жұта,
Өкініп өтер ме екен бұл байғұсың?

Толық

Соңғы сөзі ағаның

  • 0
  • 0

Екі көзім – екі бұлт,
Төгіп жатыр нөсерлерін қайғымен;
Ауру деген жер-жүректің төсіне
Тіліп түскен білем.

Толық

Бір бала

  • 0
  • 0

Бір бала көрінеді «Қамбаш» көлден,
Аққуды осы айдында алғаш көрген.
Күн қаққан дидарында қарамықтай,
Туғалы туа біткен жолдас меңмен.

Толық

Қарап көріңіз