Өлең, жыр, ақындар

Жаңбыр жауды. Дала мұнар

  • 13.04.2022
  • 0
  • 0
  • 965
Жаңбыр жауды. Дала мұнар,
Көңілім менің дала құмар.
Жазған сайын ашылатын,
Әр сезімнің парағы бар.
Жаңбыр жауды. Нөсерледі,
Адам нұрсыз өсер ме еді?
Алай-бұлай басты ұрады,
Бұл өмірге төселгелі.
Жаңбыр жауды. Жаныма ыстық,
Жастық кезде алып ұштық.
Махаббаттың шарттарының,
Ғашық болып, балын құштық.
Жаңбыр жауды. Желге ұласып,
Бұл өмірге менмін ғашық.
Ақын болдым арқаланып,
Дүниеге келдім тасып.
Жаңбыр жауды. Жырға айналып,
Не жазды деп тұр ғой халық.
Мендей мұнар ақын болып
Бұлтты аспаным бірге ойланып.
Қос ішек ұмытыппын сәл бұрауды,
Домбыраммен ән-күй ауды.
Ағыл-тегіл нөсерлеп бір,
Жүрегімде жаңбыр жауды...



Пікірлер (0)

Пікір қалдырыңыз

Өмірге ғашық болмау мүмкін бе екен?

  • 0
  • 0

Өмірге ғашық болмау мүмкін бе екен?
Бүгін болмас мақсатқа бір күн жетем.
Құрсағыңда жатқан бір перзентіңдей,
Бүйіріңді жер-ана бүлкілдетем.

Толық

Ата-мекен аман ба екен?

  • 0
  • 0

Ата-мекен аман ба екен, қарағым,
Елден келген саған, балам, қарадым.
Он тоғызда шетел асып, тағдырмен,
Тауқыметті тоқсан асып барамын.

Толық

Күз демі

  • 0
  • 0

Күздің алтын жапырағы сарғайды,
Алтын сәуле жанарыңды арбайды,
Алтын шапақ арайланып батады,
Алтын таңым жүрегімді жалғайды.

Толық

Қарап көріңіз

Басқа да жазбалар