Өлең, жыр, ақындар

Ата-мекен аман ба екен?

  • 13.04.2022
  • 0
  • 0
  • 734
(Елге оралмай қалған Италиядағы Қадыр Сариевке арналады)

Ата-мекен аман ба екен, қарағым,
Елден келген саған, балам, қарадым.
Он тоғызда шетел асып, тағдырмен,
Тауқыметті тоқсан асып барамын.
Бұлдырайды, бұлдырайды сағым боп,
Туған елге сағынумен жанарым.
Ата-мекен аман ба екен, қарағым,
Өзіңменен исі келді-ау даланың.
Орны бөлек, орны толмас, толмайды,
Туып-өскен, туған дала – Ананың.
Тағдыр енді туған жерді жазбас деп,
Іштей тұнып, «Елімайға» саламын.
Қолдан келсе, туған Отан, елде сүр,
Бұл бақытың тәңір берген көл-көсір.
Тағдыр айдап, шет-алыстап мен кетсем,
Басымды иіп, жылап тұрып сұраймын,
Туған елім, туған жерім, сен кешір!



Пікірлер (0)

Пікір қалдырыңыз

Шымқай жүзі алманың шырайланып

  • 0
  • 0

Шымқай жүзі алманың шырайланып,
Шырайланып тұрғасын мың айналып,
Ұшып жүрген қарғаның қылығына,
Көз салып шуақты Күн, тұр ойланып.

Толық

Түнмен сырласу

  • 0
  • 0

Түнге тіл біткенде,
Сырласып сыр бүккен бе?
Кеудесін ақтармайды,
Көрінген кім біткенге.

Толық

Қайтсем екен, мен осы, қайтсем екен

  • 0
  • 0

Қайтсем екен, мен осы, қайтсем екен,
Ақиқатын, өмірдің айтсам бе екен?!
Базардың арзан затын қымбатқа алып,
Оралып жәрмеңкеден қайтсам бе екен?!

Толық

Қарап көріңіз