Өлең, жыр, ақындар

Лондон десе...

  • 13.04.2022
  • 0
  • 0
  • 656
Бүгін міне Лондонның таңы атты,
Бозғылт бұлттар бүркеп алған алапты,
Бәлкім осы ұлы Британ ұлы елін
Тәңір бәлкім ақша бұлттан жаратты.
Бүгін, міне, Лондонның таңы атты,
Бұл дүние өзіне жалт қаратты.
Жайлап маңғаз жаңбыр жауды сіркіреп,
Тәңір өзі бұлтпен нұрын таратты.
Мен де ояндым Лондонның таңымен,
Мен сырластым ұлы шаһар жанымен.
Лондонның атын естіп сонау шақ,
Бала кезден көрмей жүріп танып ем.
Сол Лондон құшағына мен ендім,
Нұрларына бірге жүріп бөлендім.
Поэзия әр көшесі бір ғажап,
Лондон деген өзі екен өлеңнің!
Лондон солай мені бүгін жырлатты,
Ұлы шаһар өз жүрегін тыңдатты!
Лондон деген мен боламын менмін деп,
Әрбір көше ерекше үнмен тіл қатты!
Өз басынан талай өткен мұңды азап,
Көшесінде келе жатыр бұл қазақ.
Сол қазақты таңырқатқан құдірет,
Лондон десе, Лондон екен бір ғажап!..

21 шілде 2012 жыл
Лондон шаһары



Пікірлер (0)

Пікір қалдырыңыз

Дәрігердің үш оқиғасы

  • 0
  • 0

— Ауруыңыздан айықтыңыз, ал енді,
Үйде-дағы алған дұрыс тағы енді.
Ең әуелі, ең керегі — денсаулық,
Сүю үшін сағынышты әлемді.

Толық

Адам

  • 0
  • 0

Беріліп қоңыр күйдей сазды мұңға,
Ойласам, құрық салып назды жырға.
Қаншама жақсы адаммен жолыққанмын
Осынау өтіп жатқан жаз ғұмырда!

Толық

Лирикамсың сен менің

  • 0
  • 0

Лирикамсың сен менің,
Бүршік гүлдей нәзігім,
Жүрегімнің сазы мұң,
Құс жолында адасқан,

Толық

Қарап көріңіз