Өлең, жыр, ақындар

Жаңаөзен елі болар пір Бекеттің

  • 13.04.2022
  • 0
  • 0
  • 592
Жаңаөзен елі болар пір Бекеттің,
Жаңаөзен елі болар ер Есеттің.
Кішкене сабырлығың қажет еді,
Халқыңа айналайын не көрсеттің?..
Бұл бір күнге жеттік қой аман өтіп,
Есіңде киген күнің жаман етік.
Ағайын бір-біріңе қол көтердің,
Тәуелсіз болған күнді қаралы етіп.
Уыздай қаймақ ұйып құт тұнғанша,
Білмеймін егеменді ұқтың қанша.
Солай бір сабырлылық керек еді,
Тәуелсіз перзентіміз тік тұрғанша!
Тәуелсіз ұлы еліңнің көріп сайлап,
Қаралы, не күн туды белін байлап.
Тәрк етіп, тәуелсізді теңге үшін,
Жылайтын кез емес қой Елім айлап!
Ұшқыннан жалын лаулап жанбас па еді!?
От қойса - өткір қылыш алмас па еді,
Біреуден кем аларсын, көп аларсын,
Тас болып алтын күміс қалмас па еді?!
Момыннан жуан шығар ғажап елім,
Аққулы теңізім мен таза көлім.
Ер Есет, пір Бекеттің баласы едің,
Айналдым, ақылға кел, Жаңаөзенім!
Іздеумен бір бақытын барады елім,
Көтерме өзіңе арнап дала желін.
Бір-бірін қазақ қырса не болады,
Білмеймін не дерімді Жаңаөзенім!..

15 Қаңтар 2012 жыл
Алматы шаһары



Пікірлер (0)

Пікір қалдырыңыз

Самал жел..

  • 0
  • 0

Жібек желім, өзің ашып ұйқы әнін,
Дәм келгендей таңдайыма құйқаның,
Жел – анамның алақанын жеткізіп,
Желпіп-желпіп маңдайымды сипадың.

Толық

Жел

  • 0
  • 0

Жел-тағдыр жетектейді оңды-солға,
Созасың жеткізер деп қолды сонда.
Ышқынып ызыңдайды желмен бірге,
Жаурады тоңды жүрек, тоңды жолда.

Толық

Сәлем саған туған ел

  • 0
  • 0

Сыр бойындай баулардан,
Алатаудай таулардан,
Сарыарқадай даламнан,
Теңіз Каспий, Аралдан,

Толық

Қарап көріңіз