Өлең, жыр, ақындар

Шөл даланың ұлымын

  • 13.04.2022
  • 0
  • 0
  • 875
Шөл даланың ұлымын,
Шөл далада көп жүрдім.
Шөл даланың ұлымын,
Шөл даланы төр білдім.
Осы менің мекенім,
Түнде жұлдыз жиі ақты
Шөлдеуменен өтемін
Осы далам сияқты.
Түсіне алмай келем бе,
Құпияңды кең далам
Тамырлары тереңде,
Сексеуілің мен болам.
Тегін саған екпеген
Келген екен кім бұрын?!
Қиындықта көктеген,
Мен де сенің жыңғылың.
Талай арман жетпеген
Жетелейді бір сағым.
Қара жерде көктеген,
Мен де сенің жусаның.
Шөл даланың баласы,
Балбұлаққа жақын боп.
Кетті, міне, қарашы
Шөлдеп жүріп ақын боп.
Жан болғасын жата ма,
Жатқызбас бір бел екен.
Ақындық та сахара,
Бітпейтін бір шөл екен...
Бақыт құсы қонған ба,
Сапар кештім Елменен.
Келем ылғи жолдарда,
Шөліркеген шөлменен!



Пікірлер (0)

Пікір қалдырыңыз

Атбегі

  • 0
  • 0

Қастерлейді қазағым — сүйеді ұлтым
Ноқтасына қашанда ие жұртым.
Мінсең – көлік, жесең – азық, ішсең – сусын,
Төрт түліктің ішінде түйе – жылқым.

Толық

Қамбаш толқыны

  • 0
  • 0

Түседі Қамбаш десем өніп-өскен
Туған жер, туған ауыл жерім еске,
Өркеш-өркеш өрелі құмдарындай,
Толқыны көкке ұмтылған көлім еске.

Толық

Күре жол

  • 0
  • 0

Жолдар бар қосылатын әр елдегі,
Көрмеген жолдар қанша әлемдегі,
Күре жол бойындағы сол кездесу,
Өмірдің бір қызығын дәлелдеді.

Толық

Қарап көріңіз