Өлең, жыр, ақындар

Батыстың тентек желдерi

  • 07.06.2022
  • 0
  • 0
  • 554
Батыстың тентек желдерi,
түстiктiң өртең желдерi,
шығыстың құрғақ желдерi,
терiстiң бұрқақ желдерi,
көптен бiр соқпай кеттiңдер
құйынсыз қалды шөлдерiм,
иiрiмсiз қалды көлдерiм,
көптен бiр соқпай кеттiңдер
тағы да, тағы, кел берi.
Ереуiл тiлеп өксiп тұр
жүрегiм толғау таппаған,
найзағай осып кетсiн бiр
бұлттарыңды әкеп төк маған.
Судырап, сыңсып, қалтырап
барады менi жалтақ қып, –
қара суығыңды алып кеп,
сарғайтқан мезгiл сартап қып
жапырақтарымды қағып кет.
Соза алмай семсер-қолымды
шеткерi қалдым дүрмектен,
шала боп сөнген шоғымды
сөндiрмей қайта үрлеп бер.
Ықтаған сайын ұратын,
қасарып, қайтпай, табандап,
тұқыртып тұншықтыратын
керiмсал менен боранды ап
тағы да сынап көр менi.
Тағы да, тағы кел берi,
батыстың тентек желдерi,
түстiктiң өртең желдерi,
шығыстың құрғақ желдерi,
терiстiң бұрқақ желдерi.



Пікірлер (0)

Пікір қалдырыңыз

Айырылып қаншама рет төзiмнен

  • 0
  • 0

Айырылып қаншама рет төзiмнен,
қанша жүктi жүрегiммен сезiнгем.
Осынау бiр тағдыр менен тiрлiктiң
таразысы секiлдiмiн қазiр мен.

Толық

Төкен Жұмағұлов

  • 0
  • 0

Жатыр бүгін қуанып бар тұсымыз.
Өзіңізге көп бүгін алғысымыз.
Ел мен жұртың қаумалап тойлап жатқан
Құтты болсын, ағажан, Алпысыңыз!

Толық

Ауа райы

  • 0
  • 0

Долы бір жел
Түс-әлпеті
Әлемтапырық
Қан-сөлсіз бұлттарды

Толық

Қарап көріңіз