Жер астындағы өзендер

Бұл бетте «Жер астындағы өзендер» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 07.06.2022
  • 0
  • 0
  • 611
Шөлдер қанша
ернi кеуiп кезерген,
Жерлер қанша
сұп-сұр болып безерген...
Жыр сияқты кернеп аққан жүректi
жер астында ағып жатыр өзендер!
Тебiрентiп өн бойыңды аралап,
кететұғын ойлар құйып санаға,
ағып жатыр
Қан тамырлар секiлдi
Жердiң алып жүрегiнен тараған.
Ағады олар бiр-бiрiне жолды ашып,
бiр-бiрiмен тарамдасып,
жалғасып,
Болмаса да аттары
бар олардың
бастау,
сала,
арнасы!
Ғұмыр бойы желпiнбеген желдерге,
болмайды онда ақ кiреуке сеңдер де.
Олар-дағы Едiл менен Ертiстей
құяр барып теңiздер мен көлдерге.
Жүректiң бiр түкпiрiне тасталған
ағады олар жазылмаған дастандай.
Iздейдi оны бұрғы салып адамдар
азат болып атылсын деп аспанға.
Көзi ашылса – күн нұрына аң-таң қап,
тамшыларын шашу етiп әр таңға.
Шөл далада желбiретiп шаштарын
билеп тұрар жел шайқаған фонтандар!


Пікірлер (0)

Пікір қалдырыңыз

Жиі қойылатын сұрақтар

Жер астындағы өзендер өлеңінің авторы кім?

Темірхан Медетбек — осы өлеңнің авторы.

Жер астындағы өзендер өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Жер астындағы өзендер өлеңі не туралы?

Бұл өлеңде Темірхан Медетбек өз ойы мен сезімін көркем түрде жеткізеді.

Жер астындағы өзендер өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері