Өлең, жыр, ақындар

Үміт пен күдік

  • 07.06.2022
  • 0
  • 0
  • 537
Бiрi қатер, ал бiреуi игiлiк,
бiрi тербер, бiр салып қиғылық...
Үмiтiмдi өсiрiп ем гүл қылып,
күдiк-аптап жiбердi оны күйдiрiп.
Қаншама ақын, қаншама ақын саяз боп,
тұр ғой қазiр бұл өмiрде ой аз боп...
үмiтiмдi жiберiп ем аптап қып,
қарып түстi Күдiк оны аяз боп!
Жүре алмаймын өз-өзiме тоқ болып,
бара жатыр жүрегiме от толып...
Ұшырып ем үмiтiмдi құс қылып,
қағып түстi Күдiк оны оқ болып.
Буырқанып жатқан талай дастаны,
алау-далау көңiлiмнiң аспаны...
Үмiтiмдi жiберiп ем сәуле қып,
күдiгiм кеп бұлт болып басты оны.
Дей алмаймын кереметпiн, iрiмiн,
тiрлiгi бар тiрлiгiмде тiрiнiң...
Үмiтiмдi құйдым сонсоң металл қып,
тот боп оны жей бастады Күдiгiм.



Пікірлер (0)

Пікір қалдырыңыз

Бекболат Тілеуханов

  • 0
  • 0

Қарға бойлы Бекболат!
Түйдек-түйдек құйылған
Екпiнiңе жете алмас
Ұшқан құс пен шапқан ат, –

Толық

Өлім

  • 0
  • 0

Астыңа
Сынған шыны төсеп,
Басыңа
Тас қойса да –Темірхан Медетбек

Толық

Түн, қысқы бақ ішінде

  • 0
  • 0

Келiп едiм күн нұры батқан шақта,
Манаурап маужыраған бақтар жаққа,
Кеңiстiкте iлiнiп қалатындай
Жауып жатыр аспаннан аппақ мақта.

Толық

Қарап көріңіз