Өлең, жыр, ақындар

Сауда

  • 08.06.2022
  • 0
  • 0
  • 1086
Өңiм түгiл,
түсiмде.
Қан жыладым,
зарладым.
Қалған-сынды
iшiнде
бар дүние сауданың.
Саудада әзiр сөзiм де,
шыдам,
сабыр,
төзiм де!
Атылас пен бөзiм де!
Ақыл, парық,
сөзiм де! –
Бәрi сауда, көз iлме!
Ақшалыны қаумалап,
ұмытқан жұрт бауырды.
Бiреу келiп
саудалап
сатып алды дауымды.
Шыдай алмай шерiме
Жан-жүрегiм жыртылған.
Саудаға сап,
менi де
сатып жатыр сыртымнан.
Құжынаған жүр адам
алаң,
көше,
аулада –
салды сонсоң бiр адам
туған жерiн саудаға!
Жоқ нәрсенi даулаған
бұл дүние талмай тұр.
Мынау сұмдық саудадан
зәре-құтым қалмай тұр!
Адамдардың құлқыны
айналған сұм қамбаға, –
түсетiндей бiр күнi
азаттығым саудаға!



Пікірлер (0)

Пікір қалдырыңыз

Төкен Жұмағұлов

  • 0
  • 0

Жатыр бүгін қуанып бар тұсымыз.
Өзіңізге көп бүгін алғысымыз.
Ел мен жұртың қаумалап тойлап жатқан
Құтты болсын, ағажан, Алпысыңыз!

Толық

Оруларын-ай, соруларын-ай!

  • 0
  • 0

Арбаң-арбаң еткен
Алып өрмекші
Өзінің
Улы сілекейлерімен

Толық

Түркiстан

  • 0
  • 0

Төрт қақпалы Түркiстан!
Айдарым да өзiңсiң,
Айбарым да өзiңсiң!
Алынбайтын қамалдай,

Толық

Қарап көріңіз