Өлең, жыр, ақындар

Ұлы адамның қабірі басында

  • 14.06.2022
  • 0
  • 0
  • 579
Арқырап жатқан
Таудай қара тасқынға
Қасқайып қарсы жүретiн
Қайығым едiң.
Қайығыңды
Құйрығымен бiр қағып
Астаудай аударып тастайтын
Жайыным едiң.
Ертiсiм едiң,
Едiлiм едiң.
Жайығым едiң.
Ойымыздың –
Бұлтты көкпен таласқан! –
Алатауы болдың.
Маңдайымызды сипаған
Перiштенiң
Алақаны болдың.
Сарқырамадай –
Бұрқырап төгiлiп –
Қайнап тұратын едiң.
Атылатын айдаhарды да –
Сөзбен арбап! –
Байлап тұратын едiң.
Нұрға шомылып,
Жап-жарық сәуле iшкендей
Аппақ едiң.
Ашулансаң –
Аяз,
Қуансаң –
Аптап едiң.
Емiренсең –
Елiңдi теңiздей шалқытып,
Тебiренсең –
Жерiңдi
Балқытып жiберетiн едiң.
Қара жерге
Қалай сиып жатырсың?!
Қара ормандай халқыңды
Қалай қиып жатырсың?!



Пікірлер (0)

Пікір қалдырыңыз

Қағылған ұмыт болған қоңыраудай

  • 0
  • 0

Қағылған ұмыт болған қоңыраудай,
қалды ғой, жайсаң, жырлар, жолың болмай.
Шимайлап ақ қағаздың бетiн жыртып
өртенiп бара жатқан омырауды-ай.

Толық

Маскүнем

  • 0
  • 0

Арақты –
Көк теңiзде жүзгендей! –
Жүзiп iштi.
Албастыдай арқырап,

Толық

Жаны жомарт жан

  • 0
  • 0

Әттең қолыңда жоқ!
Әйтпесе,
Басыңа жақсылық
Үйiп-төгер едi.

Толық

Қарап көріңіз