Темірхан Медетбек

Шолпанға өтініш

Бұл бетте «Шолпанға өтініш» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

20.06.2022
0
0
846

Шолпан,
Бүкiл Қазақстанның
Арақ-шарабын
Жиып әкелшi.
Бүкiл Қазақстанның
Сырасын
Құйып әкелшi! –
Өлгенше iшейiн.
Ай аунап,
Күн түнге кiрiп
Сөнгенше iшейiн.
Iшейiн!
Бұзық дүниеге қарап
Күйiнiп iшейiн.
Қызық дүниеге қарап
Сүйiнiп iшейiн.
Мас болайын! –
Ат құйрығын кесiсейiн:
Дос пен дос,
Қас пен қас болайын.
Несiне қорқам! –
Шайқалсам! –
Сүйеп қалатын
Алатауым тұр ғой.
Одан қалса
Қаратауым тұр ғой.
Несiне қорқам! –
Шүкiр! –
Жапырағым бар ғой.
Құласам –
Шалқайып жататын
Сарыарқам,
Былғансам –
Жуындырып алатын
Атырауым бар ғой.
Шолпан, әкелшi!
Тояйын,
Сонан кейiн қояйын.

Темірхан Медетбек шолпанға өтініш Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар