Темірхан Медетбек

Іштен тыну

Бұл бетте «Іштен тыну» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

24.06.2022
0
0
1234

Дәл қазiр
Көп-көп адам,
Көп адам
Iштен тынып жүр.
Долы қуатын,
Бұла қайратын,
Сұрапыл сөздерiн
Сыртқа шығармай
Тығып жүр.
Iштен тынып жүр.
Мына өмiрде
Бiреулердiң асқаны,
Бiреулердiң тасқаны,
Бiреулердiң қорлығы,
Бiреулердiң зорлығы,
Бiреулердiң аузынан
Нанын тартып алғаны,
Бiреулердiң мойнына
Бұтын артып алғаны,
Бiреулердiң – ақ әдiл! –
Үнiн құртып жатқаны,
Бiреулердiң – қастерлi! –
Тiлiн қырқып жатқаны
Шыдатпай бара жатса да
Түптiң түбi – ертең-ақ! –
Келедi деп кезек бiр
Өз-өзiне құрық сап,
Өзiн-өзi тежеп жүр.
Көп-көп адам,
Көп адам
Iштен тынуда.
Олардың намысы –
Ертең-ақ!
Жарқ етiп шығамын деп
Қылыш боп
Қайралып жатыр.
Олардың ашу мен ызасы –
Ертең-ақ! –
Бұрқ етiп жарыламын деп
Оқ-дәрiге
Айналып жатыр...
Көп-көп адам,
Көп адам
Iштен тынуда!

Темірхан Медетбек іштен тыну Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар