Өлең, жыр, ақындар

Тектілік

  • 25.06.2022
  • 0
  • 0
  • 1005
Зейнолла Қабдоловтың рухына

Зейнолла аға!
Бергенi аз,
Алғаны көп
Әлдекiмдердей
Күпсiнiп, iсiнбедiң.
Неткен тектiлiк! –
Шаңы
Аспанға шығып жатқан
Мына өмiрде,
Сөзiңе де бiр тозаң түсiрмедiң.
Бипаз жүрдiң,
Бипаз күлдiң!
Дүлей бетпақтық пен
Долы дөрекiлiктi көргенде
Үнсiз түнеретiнсiң.
Ал сөйлеп кеткенде
Қара тастарды
Қамырдай илеп,
Қара темiрлердi –
Судай ағызып! –
Балқытып жiберетiнсiң.
Ет-жүрегiң
Езiлiп кеткенде
Елiңдi сүйдiң.
Елiңнiң
Шетсiз-шексiз жерiн сүйдiң.
Жерiңнiң көлiн сүйдiң,
Желiн сүйдiң,
Белiн сүйдiң!
Жаман жердi баспайтын
Тектi арғымақтай
Әдемi өмiр сүрдiң.
Жаман көлге қонбайтын
Тектi аққудай
Сұлу өмiр сүрдiң!



Пікірлер (0)

Пікір қалдырыңыз

Обсерваторияда

  • 0
  • 0

Қара жердi дедi ме әлде кең етем,
тұрған орны биiк екен, өр екен,
Жұлдыз күлiп,
жұлдыз сөйлеп жататын

Толық

Жек көресiң сен менi

  • 0
  • 0

Жек көресiң сен менi.
Айыптайсың таңып байлап әрненi.
Жетi атаңның құны менде кеткендей
жек көресiң сен менi.

Толық

Жапырақтарын шашады

  • 0
  • 0

Жапырақтарын шашады
қайыңдар жел кеп қаққанда, –
көктем мен жаздың жасауын
үстiнен шешiп жатқандай.

Толық

Қарап көріңіз