Кісәпірдің сөзі

Құлқыны —
Қырық құлаш шыңырау,
Араны —
Алпыс кез апан
Тойымсыз бір адам
“Елді тонағандардың
Желкесі қырқылсын” деді.
“Таза жүрейік,
Таза тұрайық,
Еліміз құлпырсын” деді.
Сол сөзді тыңдап
Біреулердің —
Есі шықты.
Біреулердің —
Есі кірді.
Ал маған
Сол бір сөз
Үлкен дәретте отырып
Бұралақтап нан жейтін
Қомағай адамның
Тазалық туралы
Айтқан сөзіндей есітілді.

---