Өлең, жыр, ақындар

Құрғақшылық

  • 25.06.2022
  • 0
  • 0
  • 830
Мына дүние
Лапылдаған
Отқа түскендей.
Ыстықтығы сондай –
Отын-ошақсыз-ақ
Ботқа піскендей.
Аптап ыстықтан
Шөгіп қалған таулардың –
Қарашы! –
Жылан жалағандай
Күлгін етегі.
Бұрқан-талқан боп
Тасып ағатын өзендер
Жіптей жіңішкеріп –
Үзіліп кетердей! –
Дір-дір етеді.
Жапырақтардың
Көнерген жамау секілді
Жалбырауын-ай.
Ағаш біткеннің
Жадап-жүдеген
Бейшаралар секілді
Сүмірейіп салбырауын-ай.
Құрғақшылық та
Елдің еңсесін езер
Күйік бір.
Биік-биік үйлердің
Бетон қабырғалары
Токка қосылғандай
Күйіп тұр.
Бұл өмірдің
Қаны тартылып
Кеткендей кетеуі.
Сөйлейін десем –
Сөздерім! –
Кеуіп қалған
Жапырақтар секілді
Судыр-судыр етеді.
Құрғақшылық!



Пікірлер (0)

Пікір қалдырыңыз

Жұғымды адам

  • 0
  • 0

Жұғымды адам, балдай тәттi жұғымды.
Тұла бойы түсiнiктi, ұғымды.
Сырлас жандай – ашпасаң да сырыңды.
Мұңдас жандай – айтпасаң да мұңыңды.

Толық

Көне құлпытастағы сурет

  • 0
  • 0

Үстірттегі
Сисем ата қорымында
Шеттеу тұрған
Құлпытастың бетіне

Толық

Наза шеруі

  • 0
  • 0

Алла тағала құдіретімен,
Әулие-әмбиелер жебеуімен
Азат болғанына қарамай
Не тіліне ие бола алмай,

Толық

Қарап көріңіз