Өлең, жыр, ақындар

Дауасыздық

  • 25.06.2022
  • 0
  • 0
  • 507
Дүние аласапыран.
Астаң-кестең.
(Бұл әлем
Талай-талай аласапыран мен
Талай-талай астаң-кестеңді
Бұдан бұрын да
Талай-талай бастан кешкен).
Бірақ бүгінгі аласапыранның
Түрі жаман.
Үңіліп қарасаң
Үңірейіп тұрған
Түбі қараң.
Түрі жаман.
Тірліктің Күні құлап
Ал Айы
Күл менен қоқысқа
Көміліп батқандай.
Жер шарының ендіктері
Дауылды күнгі
Белдеудей үзіліп,
Бойлықтары
Басқұрдай сөгіліп жатқандай.
Тынық мүхит
Буға айналып,
Солтүстік мұзды мұхит
Суға айналып кетердей.
Сонысымен
Түбімізге жетердей.
Төбемізден
Құдай ұрғандай.
Бүкіл әлемдік сойқан мен
Бүкіл әлемдік дүрбелең
Бүгін-ертең
Басталғалы тұрғандай.
Сондай кезеңде де
Мына адамдар
Басына не келсе
Соны шатып тұр, –
Бір-бірін
Сөздерімен кесектеп,
Бір-бірін –
Жеп қоярдай! –
Көздерімен атып тұр.



Пікірлер (0)

Пікір қалдырыңыз

Жаралғандай бауыр етi темiрден

  • 0
  • 0

Жаралғандай бауыр етi темiрден
оңашалық, оқшаулыққа телiнген
бiр сөз айтпай өтетұғын ғұмыры
адамдар бар өмiрде.

Толық

Көл бетіндегі кешкі фантазия

  • 0
  • 0

Көл де тұнық, сөз тұнық,
Тұнық ой да, сана да...
Батар күнге көз тiгiп
Жас қыз отыр жағада.

Толық

Күйінгенде

  • 0
  • 0

Құдай-ау,
Не айтып отырсың?!.
Мен саған сүйенiп едiм ғой,
Әулие-әмбиелердей

Толық

Қарап көріңіз