Өлең, жыр, ақындар

Келешек күндерге сәлем!

  • 22.05.2019
  • 0
  • 0
  • 1587
Күндер, Күндер! Жылдың жақсы күндері,
Қайырлы таң, қасиетті түндері,
Сендер солай бір-біріңе ұзатып,
Бізді апарып тастайсыңдар ілгері
Ілгеріде игі тілек, арман бар,
Болмас оған бізден бұрын барғандар.
Күндер, Күндер, саулық, бақыт аямай,
Бізді соған аман-есен жалғандар!
Біз сендердің қадіріңді ұққанбыз,
Біздер жаңа жұрттанбыз.
Аспан астын жалауларға толтырып,
Күнмен бірге көк жиектен шыққанбыз.
Бізді - «Күннің балалары» дейді әлем,
Ленин өзі Күн сияқты бейнемен
Жүгімізге беріп кеткен белгі нұр,
Күндей айқын сөзіміз де сөйлеген.
Менің асыл Коммунистік Күндерім,
Мың қуаныш - сол күндерде жүрмегім.
Жерден Күнге ен жақын ел - Отаным,
Күн қасында отандасым тұр менің.
Күндер, Күндер,
Сәлем,сәлем мол саған.
Дүние тыныш, дүние бейбіт болса аман
Бұл тілекпен шығарып сап біріңді,
Бұл тілекпен келесіңді қарсы алам.



Пікірлер (0)

Пікір қалдырыңыз

Үйренсең де, ұқсама!

  • 0
  • 0

Құрдастай ойнап онымен,
Інідей жүрдім именіп.
Жаралы сол қолымен
Жіберсе жақтан бір періп.

Толық

Қазақ қызына

  • 0
  • 0

Әрқашан алла атымен, иман, антпен,
Адамдық ар, абырой, инабатпен,
Ақындық жүрегіммен, қазақ қызы,
Сүйемін сүттен таза махаббатпен.

Толық

Тіршілік тіректері

  • 0
  • 0

Ақынның өлең-жыры - өмірлесі,
Емес ол ойнай салар көңілдесі.
Отына ғашықтықтың күйеді олар
Сүйеді бірін-бірі қалмай есі.

Толық

Қарап көріңіз