Өлең, жыр, ақындар

Тақырыпсыз өлең

  • 25.06.2022
  • 0
  • 0
  • 495
Ендіктерді
Ендеп жүгірдім,
Бойлықтарды
Бойлап жүгірдім.
Бүгінге үңілдім
Ертеңнен түңілдім.
Айды алпыс рет,
Жерді
Жетпіс рет айналдым,
(Сол ортада
Жоғалып кетпегеніме
Қайранмын)
Таулардың үстінен
Мұхиттарға секірдім...
Бірде кетілдім,
Бірде жетілдім.
Соның бәріне
Қайырылып қарап,
Соның бәрін
Қамығып ойладым.
Сонан кейін
Аспандағы айыңды
Дауылпаз қып қағып,
Жұлдыздарыңды түймедей көріп
Түртіп ойнадым.
Түннен шығып,
Күндізге кірдім.
Бірде
Аққудай сұңқылдап,
Бірде
Қасқырдай ұлыдым.
(Бірде сорлымын,
Бірде ұлымын)
Бірде нысана,
Бірде оқпын.
Бірде бармын,
Бірде жоқпын.
Бірде жер үстіндемін,
Бірде көр ішіндемін.



Пікірлер (0)

Пікір қалдырыңыз

Мойындау

  • 0
  • 0

Құдайға шүкір
Жат жерге
Көшет боп
Егілгем жоқ.

Толық

Қара нөсер

  • 0
  • 0

Көктем-ай!
Қара нөсердiң төккенi-ай!
Бүкiл бұлттарды
Осы жерге

Толық

Бүгінгі ауыл

  • 0
  • 0

Ауылым-ай!
Ауылы қазағымның!
Көрiп сенiң түрiңдi назалымын.
Жатырсың ғой арқалап сен бүгiнде

Толық

Қарап көріңіз