Жиіркенішті жан

Жүре берсең,
Көре бересің деген
Рас екен.
Мына бір жанның –
Күресіннен шыққандай –
Тәні де,
Жаны да лас екен.
Сөздері
Шайтанның
Дәретіне суғарылғандай
Қашыр да құшыр.
Жүріс- тұрысы
Бақсылардың
Жын-перілерді қуғандарындай
Тасыр да түсыр.
Тыңдап отырып
Қаның тасып кетеді.
Миың ашып кетеді.
Тыңдап отырып
Бірде қызарып,
Бірде бозарып
Сан түсті түрге енесің.
Ақырында,
Сол бір адамнан –
Ібіліс түкіріп кеткендей
Жиіркенесің.

---