Темірхан Медетбек

... ай-ай, ... ай-ай

Бұл бетте «... ай-ай, ... ай-ай» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

26.06.2022
0
0
760

Әне біреудің
Үрмелі аспаптай
Өңешін созып дүңкілдеуін-ай,
Мына біреудің
Барабан құсап
Ұртын толтырып күмпілдеуін-ай;
Әне біреудің
Жарықшақ түскен
Қоңыраудай шіңкілдеуін-ай,
Мына біреудің
Мұрнының астымен
Торсаңдап күңкілдеуін-ай;
Әне біреудің
Тепсініп зіркілдеуін-ай,
Мына біреудің
Жүрекке тиетін
Май құсап кілкілдеуін-ай;
Әне біреудің
Семіздіктен жүре алмай
Іркілдеуін-ай,
Мына біреудің
Алқымы ісініп
Күрке тауықтай күркілдеуін-ай;
Әне біреудің
Құлдан бес бетер
Бүлкілдеуін-ай.
Мына біреудің
Жонынан таспа тілсең де
Басын көтеріп сілкінбеуін-ай.
... ай-ай-ай,
... ай-ай-ай...

Темірхан Медетбек ... ай-ай Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар