Сен оны сезесің бе?

Елестей ербеңдеген
Әне бір жүргендер
Жанымды
Аязды күндей
Қатырғалы тұр.
Ерең-серең еткен
Әне біреулер
Тұнық көлдерімді
Итаяқтағы жуындыдай
Сапырғалы тұр.
Сен оны сезесің бе?!
Тағы да әне біреулер
Желді күнгі дауылдай—
Өз елін!—
Қамыстай құлатып,
Қоғадай жапырғалы тұр.
Ең сұмдығы!—
Кеудесін күнде тоқпақтап
Мақтанып жатқан
Бейшара Қазақстанға
Болат азулы,
Жез тырнақты біреулер
Атылғалы тұр.
Сен оны сезесің бе?!

---