Волга-Дон

Кездеспеген ежелден
Бірі — мен, бірі — Волга-Дон,
— Кездесіп бүгін кезеңнен
Толқындар түсті жолға кең...
Көбігін шашып ақ жалын
Көкала бұйра қос өзен,
Аймалай сүйіп жан-жағын
Ақты қырды кесе өзен!
Бес теңіздің бесігі
Цимлян шалқып тербелді,
Ашылып ырыс есігі
Сүйсіндірді көргенді.
Міне, Сталинградтың
Су қоймасы шам жақты,
Сонау жыл... қазған солдаттың
Траншейін гүл жапты...
Шомылдырды шөлейтті
Өзен мен біздің ұлы күш,
Кестесін көкшіл көбейтті
Көкала жұмыр глобус.

---