Өлең, жыр, ақындар

Көңіл күйі оянғандай

  • 07.07.2022
  • 0
  • 0
  • 665
Бөленген туға бүгін алаң қандай,
Көркіне көңіл күйі оянғандай!
Бір жақтан күздің алтын бояуымен
Сарала ағаш басы боялғандай.
Қарасақ күзде терек қалпын бағып,
Жатқандай бұтақтан жел алтын қағып —
Қаз табан сарғыш тартқан жапырақтар
Желпілдеп түскен жерге жарқыл қағып.
Октябрь мейрамында тамашаны
Көрді жұрт,
көрікті алда болашағы!
Сәулетті жұрт алдында лек-легімен
Сап тізген жастар тобы жарасады.
Сап тізіп шығыпты жас мектептегі,
Өскендей өмір гүлі көктеп, тегі!
Қолына бейбітшілік құсы қонып,—
Ойнаған көкке самғай көк кептері.
Көшені кернеген жұрт көңілденіп,
Әдемі оп шырқалып, би биленіп,
Тас сүйіп тақалары қыздар да жүр
Етегі көйлегінің дөңгеленіп.
Жас жігіт жүрген менің қасымдағы
Қалпағын қолына алып басындағы,
Көңілі тамашаға тұрды толып,
Қызықты көріп күллі осындағы.



Пікірлер (0)

Пікір қалдырыңыз

Алып тұлға

  • 0
  • 0

Ұлы мүсін сан жүректің
Сүйсіндіре қылын шертті.
Қарап тұрған соған жұрттың
Жан сезімін елжіретті...

Толық

Менің далам

  • 0
  • 0

Даламның көктем туа тау, қырлары
Жаңғырып, жазда қай гүл жарылмады,
Шөп түбі саусақтардың саласындай
Жерде алыс жатыр терең тамырлары...

Толық

Шопан мен әжесі

  • 0
  • 0

Көктемгі аспан көнегінен,
Құйды жаңбыр, құйды жаңбыр!
Өткізген бұлт елегінен
Күміс тамшы сүйді балдыр.

Толық

Қарап көріңіз