Өлең, жыр, ақындар

Есімде Еділдің көк толқындары

  • 09.07.2022
  • 0
  • 0
  • 553
Сонау кез сәуір шыға Сибирьдегі,
Көктемнің самалын ел сіміргені —
Есімде, Еділдің көк толқындары
Жатты ағып бейне өмірден сыр білгелі.
Сол сәтте бір перзентін туды ғасыр
Толғанып толғатқандай күн ілгері.
Деп қойды атын оның Владимир,
Ойлап ел, кім боларын, үлгірмеді...
Алайда, сол сәбидің алдындағы
Атар тақ қоңырауы күмбірледі!..
Сол сәби еді күткен ел арманы,
Сілкініп су толқыны, жер орманы —
Шаттанды, шабыттана шаршы халық
Жүректің табылғандай жоғалғаны.
Үмітін артты соған, өсе келе
Жаһанның жаутаң қағып жанарлары.
Ол дана — туған күндей Ленин еді
Ондай ұл көрмеген жер жаралғалы.
Ақылмен өмір бұлтын қақ айырып,
Тұрды елдің маңдайында жанар бағы.
Кәдімгі болып өсті о да бала,
Зерек жан, бірақ, қарап тұра ала ма?!
Жұлдызы болып жанды ел бағының
Өмірдің сырын терең ұға қала.
Тетігін соны ғасыр қолына ұстап,
Жөнелді жаңа жолға бұрып ала,
Талқан қып кәрі дүние тәжді тағын,
Ту тікті ұшан қиыр қияға да!
Бақыттың таңын Ленин атқызғанда,
Құлпырды қырда қала, ойда дала!

1956



Пікірлер (0)

Пікір қалдырыңыз

Сағат тілі

  • 0
  • 0

Туар жылдың айы жарық сәулетті
Ақша қарлы сай-салаға шашқан нұр,
Кеудесіне ұшқындарын салюттің
Қадағандай жұлдызды көк аспан тұр.

Толық

Жапты кілтін «Максимнің»

  • 0
  • 0

Әлі есімде
өткен соғыс дауылы,
Ел бағы үшін
ерлердің

Толық

Қыздың жыры

  • 0
  • 0

Тосып тұрып суға келген жерімнен,
Құшақтадың иіп қыпша белімнен,
Содан бері бір шықпайсың есімнен,
Сағынсам да көре алмадым сені мен.

Толық

Қарап көріңіз