Асықтым

Тұрғандай-ақ төзе алмай
Жүрегі аңсап ғашықтың,
Жеріме туған, көз алмай,
Сағына бір күн асыппын.
Елдің шаттық тасытқан
Есігін жырмен ашыппын!
Сайрап, таңға қосып таң,
Құмына төсім тосыппын.
Деп ем: «Мұнда асықпан,
Демен сенен қашықпын».
Білмеймін, неге асыққан
Мауқымды тез басыппын!?
Келді ме жазғым әлде жыр,
Қалды ма жұмыс үйде бір,—
Баруға қанша асықсам,
Қайтуға сонша асықтым.

---