Өлең, жыр, ақындар

Қусақ өзенінде

  • 10.07.2022
  • 0
  • 0
  • 701
Қусақтың өзені ел өрісіндей,—
Далаға шашқан таудың күмісіндей,
Тентегі Текелінің тасығанда
Құлынның үзіліпті желісіндей...
Қалыпты тау арқасы арса-арса боп
Түлкінің сойған іреп терісіндей.
Сол қусақ жатыр міне күліп ағып
Ақжарқын ауылға ақын келісіндей!
Келдік біз елдің осы көркін жырлай,
Алыстан жеткен ұшып көгершіндей.
Анадай ақ жаулықты қарсы алды ауыл,
Кең жайып дала төсін бүлісіндей.
Ақша қар жамылған шың-құздарыңыз
Жеңгенің ақ кимешек киісіндей.
Қусақтың суы сылдыр қағып ақты,
Іленің шолпы таққан сіңлісіндей.
Қой қаптап көк жайлаудың қойнауында
Шопандар шат көңілді жүр ішінде,
Қаламын қолына алып ақын тұрды,—
Сақалды қарт малшының інісіндей.

1959



Пікірлер (0)

Пікір қалдырыңыз

Тірі жанға ой қоғзап

  • 0
  • 0

Жарыса сұлу көктеммен
Жарқырап туар Май айын
Жұртпен бірге күткем мен
Гүлін Майда даланың.

Толық

Катуллаға еліктеу

  • 0
  • 0

Дариға-ай! Сүйсем соның отты көзін,
Мың рет сүйгім келіп ойнар сезім.
Күйдірсем көз отына ерінімді мен
Татыр ед бір сүйгенім жүз жылға тең.

Толық

Шопан мен әжесі

  • 0
  • 0

Көктемгі аспан көнегінен,
Құйды жаңбыр, құйды жаңбыр!
Өткізген бұлт елегінен
Күміс тамшы сүйді балдыр.

Толық

Қарап көріңіз

Басқа да жазбалар