Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Тайыр Жароков

Қыз кеткен

Бұл бетте «Қыз кеткен» атты Тайыр Жароков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

10.07.2022
0
0
706

Қарақалпаққа

Амудария бойында
Мың ба, бұрын,— жүз кетпен
Жер қазып, су бұрғанда.
Өзенге бір қыз кеткен.
Қарақалпақ қызының
Бетін жуған өзені
Ілкі заман кезінің,
Бір хикая сөзі еді...
Жігітке қыз бұлқына
Ғашық болып жүзі игі,
Жуынам деп толқынға
Жоғалған қыз жүзігі...
Өз тағдырын шеше алмай
Жүрегінде мұз кеткен,
Жан сүйгенін құш алмай
Көк өзенге қыз кеткен.
Өтті ол көрген бір түстей
Бүгін сұлу сол өзен
Ақ мақтаны күмістей
Толқынына Жүздірген.
Қарақалпақ өзі енді
Жерін, суын өзгерткен,
Алайда сол өзенді
Деседі ел қыз кеткен.

1960

Тайыр Жароков қыз кеткен Тайыр Жароков өлеңдері

Пікірлер (0)

Пікір қалдырыңыз

Жиі қойылатын сұрақтар