Қос алмадай

Қырғызға

Ерке Алатау қасында
Сүйем егіз елді өскен,
Бір ағаштың басында
Қос алмадай тең өскен.
Тоқтағұлды толғана
Жамбыл талай жырлаған,
Домбырасын қолға ала
Қырғызға қол бұлғаған.
Сырлары аққан дария
Манасың жыр бұлағы,
Тыңдады оны жария
Қазақ, қырғыз құлағы.
Көріп өмір күндізін
Өстің гүлің үзілмей,
Тұлғаң биік қырғызым
Алатаудың өзіндей.
Қазақ, қырғыз елінің
Жайлағаны бір дала,
Екі Алатау биігін
Туғандай-ақ бір ана.

1960

---