Өзіңе ұқсас

Жас қайыңның тізілген
Бүршік атып өзегі
Секілді жас қыз киген
Шыт көйлектің безегі.
Өзіңе ұқсас жас қайың, –
Жас өспірім қыз бала,
Секілді өзің жас шағың,
Жапырағын қозғама!
Осы сәби қайыңды
Көруге көз қимайды,
Шақыра ма жауынды,
Жапырағы шулайды?!
Бойы да әсем, ырғалмай
Өскен сұлу бір нәзік,
Сәби гүлі тұрғандай
Бейне ауада жыр жазып...
Қозғама, жел, жыр жазып
Тұра берсін гүл қайың!
Жырынан ап жанға азық,
Бұлтқа қолым бұлғайын!

---