Өлең, жыр, ақындар

Қанат қақты химия

  • 10.07.2022
  • 0
  • 0
  • 688
Жиырмасыншы ғасырда
Даңқымызға дала тан,
Тағы тарттық асуға
Айға созып алақан!
Өрге тартқан ғасырдың
Өрмек жүзі ауғанда, –
Көзін не бір асылдың
Таптық кенді таудан да...
Өзендерден от алып,
Өрендерім күш қосса,
Көкті шарлай қопарып
Ұшса ерлер космосқа.
Түлеп, – торқа жамыла
Бір қиядан бір қия
Тұрған шақта, – тағы да
Қанат қақты химия!
Химия, – әже, – сәбидей
Жаңартып дән жөргегін,
Шымға шырын себелей
Құлпыртуда жер қоңын.
Жер демекші, – жеріміз
Жұтаң емес, жүлделі! –
Жерден алған еліміз
Үлдені де бүлдені...
Болат па, ия, мұнай ма, –
Кеннен елім кенде емес!..
Сайған өзін құдайға
Кей ел – бізге тең де емес!
Сахнасында даламның
Су би билеп сілкінді,
Қалай одан табам мін, –
Балерина ол – секілді...
Қырларында қазақтың
Лаулап кокс пештері
От қуатын маздатты
Көкті керней күштері!
Ал, – осы күш үстіне
Ғұламалар күш жалғап, –
Қиялдан да, түстен де
Асты біздің күш самғап!
Қияларға химия
Нәрін құя минерал, –
Өрбуін ел тұр ұға
Далада егін, қырда мал...



Пікірлер (0)

Пікір қалдырыңыз

Тамара

  • 0
  • 0

Дарияның терең шатқал құзын жара,
Ымыртта үңги ағып Терек тура,
Қап-қара жартастың дәл нақ басында
Тұрды ескі қарауытып бір мұнара.

Толық

Кей жолдасқа

  • 0
  • 0

Кей жолдастың байқасаң мінез, құлқын,
Кейде — кірбең керілген, кейде сылқым.
Кейде жылы шыраймен жақындасса,
Кейде — сөзге үйір-ақ қиқым-сиқым...

Толық

Бейбітшілік

  • 0
  • 0

Әлемге бейбітшілік қанат жайған,
Күштірек халық күші нажағайдан,
Біздің ел шындығының шұғыласы
Адамзат жүрегіне нұр боп жанған!

Толық

Қарап көріңіз