Таймаймыз

Еңбекші ескіден
Езілген ұланбыз.
Ерік алған осы күн
Жауынгер қыранбыз!..
Хан, патша, бай, болыс
Еңіретіп жылатқан.
Оларды біздің күш
Қиратқан, құлатқан.
Жер жүзі тұрса да
Өртеніп өрт болып,
Жас әскер талмаймыз,
Ойнаймыз от болып!
Қызарып нұр туым
Дұспанға от шашты...
Ержүрек қызуым
Балқытады көк тасты!
Жер жүзі тұрса да
Өртеніп, өрт болып;
Жас әскер таймаймыз,
Ойнаймыз от болып!

1928

---