Өлең, жыр, ақындар

Болат балға

  • 11.07.2022
  • 0
  • 0
  • 438
Көк құрыштан болат балға құйылған,
Алғыр алмас тегеуірінді бұрыннан.
Шын еңбектің шым-шым қайнап суына,
Суарылып қорытылған қиыннан.
Жүмысшы ұрса күрең темір сақырлап,
Майша балқиды, ұшқын ұшып шатырлап!
Жер-дүниені солқылдатады дауысы
Көкте ойнаған найзағайдай сақылдап.
Болаты қызса бусанған,
Қамал бұзады, құрсанған.
Бұлтты батпан, батыр сүйер жарақ нақ,
Қуатына таңғалдырып қаратпақ.
Түтін құшып, отпен ойнап осқырып,
Шоқты шайнап, жалын жұтқан жалақтап!
Шамырқанған, шымқанған Верен болат бұрқанған.
Балғалы ерлер қорықпайды, өрт жағылсын,
Мейлі дүние тас-талқан боп жарылсын!
Шоқты шайнап, тасты омырған күш құрыш
Үз шынжырды, бүкіл дүние таңы үшін!
Балға ұстаған күш білек,
Сүйемін сені күштірек.

1930



Пікірлер (0)

Пікір қалдырыңыз

Қанат қақты химия

  • 0
  • 0

Жиырмасыншы ғасырда
Даңқымызға дала тан,
Тағы тарттық асуға
Айға созып алақан!

Толық

Шопан әні

  • 0
  • 0

Мен колхоздың шопаны шарықтаған,
Қасқыр тісін бір қойға дарытпаған,
Жүні жібек, сүті уыз, қозысы егіз,
Қой құйрығын аязға қарытпаған.

Толық

Сауатыңды аш

  • 0
  • 0

Ғасыр бойы тұман басқан,
Мұңдыларды мұнар басқан,
Жұмысшы тап теңдік алып,
Көзін ашқан, ұрандасқан!

Толық

Қарап көріңіз