Тайыр Жароков

Сүйгенім

Бұл бетте «Сүйгенім» атты Тайыр Жароков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

11.07.2022
0
0
760

(Мүнираға )

Орман көлеңкесінде,
Бұлтты аспанның кешінде:
Есімде... ұзақ қыдырдық
Жапырақтарға оранып,
Сүюге сезім оянып
Жүректі үнсіз ұғындық:
Жалғансыз жаннан леп есіп,
Жүрек пен жүрек тілдесіп
— Шыдатпай нәзік сезімді;
Көңіл күйі келгенде
— Төзе алып па ем бермеуге
Өзіңе бүкіл езімді?..
Отты қара көзінде
Жанған ұшқын сезімге
Қонды, өзге қонар ма,
Күлкі ұясы бетіңде
— Тұр жүректі шертуге,
Сүймеске сені болар ма?

1932

Тайыр Жароков сүйгенім Тайыр Жароков өлеңдері

Пікірлер (0)

Пікір қалдырыңыз

Жиі қойылатын сұрақтар