Өлең, жыр, ақындар

Ақ нұрдан жаралған

  • 10.02.2021
  • 0
  • 0
  • 744
Қиялдың қиығы жарқ етті тасына,
Көлеңке ебелек түсірді басыма.
Сол ақын асқар тау, ол мүмкін ай-жұлдыз,
Болса да тым нәзік келеді-ау жасына.
Сыңарсыз қайғысы, сыңарсыз теңеуі,
Толқындай жартасқа соқтығып келеді.
Тағдырдың талайғы тәлкегін тартса да,
Жалынды жыры бар жалғыз-ақ жебеуі.
Жаны бар жұп-жұмыр, жүрегі-мақтадан,
Сондықтан ақынның барлығы ақ маған,
Әулиелік әуенін айтатын асылдың,
Әурелік әлегін ешқашан ақтаман.
Себебі ақындық бұлқынған жүректен,
Қап-қара күнәлі кірленген түнекке,
Арайлы таңдардың жаршысы секілді,
Қаһарлы патшаның жарғысы секілді,
Фәнидің кеңдігі-тар тұсы секілді,
Ананың балаға алғысы секілді,
Бейкүнә жетімнің қарғысы секілді
Қараңғы түннен де жұлдыздан нәр алған
Ақын ғой, ақындар ақ нұрдан жаралған!



Пікірлер (0)

Пікір қалдырыңыз

Қайда кетіп барады бар асылдар

  • 0
  • 0

Қайда кетіп барады бар асылдар?
Өлшеп, пішіп айта алман бағасын дәл.
Құнсызданар уақытта құны түсіп,
Қалды мекен қадірі жарасында әр.

Толық

Тұр, Күнім, тұр!

  • 0
  • 0

Көкейімде сайрап тұрса шындығым,
Қатарымын дей алмаймын мұңдының,
Артық маған жалған ғасыр балынан,
Шындық үшін у сімірген бір күнім.

Толық

Жолдар

  • 0
  • 0

Жолдар, жолдар жетеле алға мені,
Жарқын күндер бар ма екен алда әдемі?!
Жортуылдап жүйткіген жан баласын,
Жығасың да қоясың жарға үнемі.

Толық

Қарап көріңіз